Páginas vistas en total

martes, 28 de abril de 2015

IV CONCURSO DE BANDAS SONORAS "TÓCAA OUTRA VEZ, XAN"

O IV Concurso de Bandas Sonoras "Tócaa outra vez, Xan" organizado polo ANPA foi todo un éxito tanto polo número de participantes -un total de 130 alumnos/as- como de público que estivo  moi entregado ó longo das dúas horas do concerto nun Auditorio cheo.
 
 No seguinte enlace tedes o programa: anverso y reverso
 
 Había tres categorías :
Grandes Agrupacións
Grao Profesional
Grao Elemental
  
Todos os participantes do concurso levaron de recordo unha bolsa e un diploma moi chulos. O primeiro e segundo postos ademais un premio en metálico de 100€ e 60€ respectivamente. 
 

A continuación unha mostra do que aconteceu a cargo do Peque Coro (a música da entrada corre a cargo do Taller de Música Moderna):

West Side Story polo "Peque Coro" de Xan Viaño

No seguinte enlace podemos disfrutar do video do concurso grazas ao ANPA. Unha bonita lembranza.

 Por certo, aos gañadores atoparédelos no 00:59:47
   
GALERÍA DE FOTOS:
 
Grao Profesional
 


 

Grandes Agrupaciones
 
 

Grao Elemental
 



Noraboa a todos os que participaron e á organización.

domingo, 26 de abril de 2015

AXENDA CULTURAL NARÓN: Os tres porquiños, 10 de mayo

"Unha obra musical con bonecos a tamaño real"
 Género: infantil
Lugar del espectáculo: Pazo da Cultura
Duración: 50 minutos
Precios: 
Anticipada: 6.50 € / O día da actuación: 8.00 €
Información de la billetera: 
Domingo 10 de mayo a las 17:00 h.
Público: Infantil ou familiar ( a partir de 2 anos)
+Info981 102 897
 
Máis información: Pazo da Cultura (Narón)

jueves, 23 de abril de 2015

23 DE ABRIL: CURTAMETRAXE "The fantastic flying books"

Para conmemorar o Día do Libro subimos unha preciosa curta grazas á suxerencia dos profesores de piano Loreto Pérez e Santiago Ocampo.
 
 
¿Cal foi o último libro que lestes? ¿Cal estades a ler?
Feliz día do Libro

martes, 21 de abril de 2015

23 DE ABRIL: COLABORACIÓN CA "CENTRAL LIBRERA"

Co motivo da conmemoración do Día do Libro, o vindeiro xoves 23 de abril na Biblioteca do noso Conservatorio, e ca colaboración do establecemento ferrolán "Central Librera" haberá unha pequena exposición e venta de libros de temática musical que poden interesar a toda a comunidade educativa.   
Piano, Historia da música, ópera...
 
Libros infantís e xuvenís, guitarra eléctrica, música popular urbana...
 
Os títulos e prezos son moi interesantes xa que sobre o P.V.P. o establecemento fará un 10 % de desconto. A exposición rematará o mércores 29 de abril.
 
Esperamos que sexa do voso agrado

Feliz Día do Libro :)

OUTRA RECOMENDACIÓN DE ABRIL: LUCAS VIDAL (1984)

 O seu estudo de gravación está en Los Ángeles, ten máis de 14 bandas sonoras para Hollywood e cine europeo e apenas 31 anos. É madrileño e a música sempre estivo na súa vida pois o seu avó foi un dos fundadores de Hispavox . Estudiou cunha beca en Berklee College of Music, licenciouse con Summa Cum Laude e foise a Nova York, onde fixo estudos de posgrado na Juilliard. 
  Lucas Vidal. Fonte:www.isaachernandez.com/
 Ten gravadas máis de 100 sesións con orquestra en Abbey Road Studios, AIR Studios, Praga, Los Ángeles, Kiev, España e outros. Ademais de música para cine tamén ten obras para ballet, colaborando co Boston Ballet. 
 Actualmente vive en Los Ángeles e divide o seu tempo entre a súa empresa "MUMO" (Music and Motion Productions) e "Chroma" en Venice (Los Ángeles) e Madrid.
 
Se queredes coñecer máis del propoñemos un enlace a IMDb onde atoparedes a súa filmografía actualizada e outro a unha entrevista que lle fixeron onde fala da súa vida e da figura de John Williams: Lucas Vidal e John Williams.

lunes, 20 de abril de 2015

23 DE ABRIL: DÍA DO LIBRO



 Coma en anos anteriores, as Bibliotecas Escolares de Galicia celebran o Día Mundial do Libro coa edición dun pequeno marcapáxinas en forma de díptico que acolle un texto inédito, neste caso da escritora María Solar, sobre a maxia dos libros, con referencias literarias evocadoras de aventuras e viaxes. Agradecemos a María Solar a súa xenerosidade e a súa recomendación para este día: "Ás veces o destino está no libro que tes ao lado. Só tes que abrilo e gozar". 
 

viernes, 17 de abril de 2015

ESTUDO SOBRE BIBLIOTECAS ESCOLARES DO CONSELLO ESCOLAR DE GALICIA

 
 
 
 
 
Desde o Consello Escolar de Galicia encargaron un estudo sobre as bibliotecas escolares na nosa comunidade, que se vai levar a cabo nos vindeiros meses, a través do ICE da Universidade de Santiago. Van facer chegar unhas enquisas a un número importante de centros (públicos e privados), e tamén a centros PLAMBE. Ademais, a uns 70 centros aproximadamente, van enviar persoas que van pasar a enquisa directamente e realizar entrevistas con responsable da biblioteca, equipo da biblioteca, equipo directivo, familias e alumnado.  Segundo parece, o estudo vai ter un carácter xeral, pero tamén vai recoller datos de forma específica sobre os centros PLAMBE.
    Desde a Asesoría de Bibliotecas escolares cren que nestes días están empezando a chegar as cartas que envían desde o propio Consello Escolar de Galicia aos centros que van participar neste estudo, e que foron escollidos de forma aleatoria, tendo en conta que estivesen presentes os diferentes tipos de centros. É unha oportunidade para darlle visibilidade ao traballo nas bibliotecas escolares, e agardan que tamén aparezan recollidas as principais eivas, de forma que os responsables da administración autonómica (e a sociedade en xeral) teña unha fotografía fidedigna da situación, realizada por un axente externo como é neste caso a universidade e actúe en consecuencia.
    No caso de que nos toque participar, sería bo que os diferentes "axentes" (equipo directivo, familias, alumnado, equipo de biblioteca) cubríramos as enquisas requeridas. Desde a biblioteca vos mantendremos informados.
 
Un saúdo

jueves, 16 de abril de 2015

TRIVIAL MUSICAL - Concerto do 30 de Abril



En estreita colaboración e grazas á Sociedade Filarmónica Ferrolana, a Biblioteca do Conservatorio pode ofertar dez entradas para asistir ó concerto do vindeiro xoves 30 de Abril. Para participar teredes que contestar de xeito correcto a unha das preguntas que podedes ver máis abaixo.
 Como hai alumnos de diferentes niveis haberá coma sempre dúas preguntas: unha para aqueles alumnos que cursen o Grao Elemental e outra para aqueles alumnos que cursen o Grao Profesional. Deberedes enviar as vosas respostas á dirección electrónica seguinte: bibliotecajosefontenlaleal@gmail.com
 No correo tedes que incluír o voso nome completo, curso e instrumento que cursades no Conservatorio así coma a vosa resposta (correcta, iso esperamos). As entradas entregaranse por estricta orde de chegada dos correos e  poñerémonos en contacto cos/as agraciados/as.
 
 A data límite para recibir os vosos correos é o vindeiro luns 27de Abril (ata as 20:00 horas).


 PREGUNTA GRAO ELEMENTAL:  Define "sostido" e di cal é o seu símbolo:
1. #
2. b
3. >

PREGUNTA GRAO PROFESIONAL: ¿Dentro de qué periodo estilístico da obra de Stravinski inclúese "El pájaro de fuego"?

¡¡Moita sorte!!
 

                                             Abril                                          

Data: Xoves 30 de Abril ás 20:30
Sala: Auditorio
ORQUESTA SINFÓNICA DE GALICIA  
Dima Slobodeniouk, director
Alexander Toradze, piano


Programa:
S. Prokofiev (1891-1953): El amor de las tres naranjas
S. Prokofiev (1891-1953): Concierto para piano nº 1
I. Stravinski (1882-1971): Concierto para piano y viento
I. Stravinski (1882-1971): El pájaro de fuego (suite 1919)


  Máis información da programación en http://www.filarmonicaferrolana.es/


Sáudos

miércoles, 15 de abril de 2015

II CURSO DE MUSICOGRAFÍA DE BRAILLE


O Centro de Recursos Educativos da ONCE en Pontevedra organiza este curso destinado ao profesorado de música de conservatorios, escolas de idiomas e docentes de música do resto das ensinanzas non universitarias.
Máis información no enlace da páxina da Xunta onde atoparedes tamén a folla de inscripción:
 II CURSO de musicografía de Braille.

Para aqueles interesados ou curiosos pola musicografía Braille temos na biblioteca o seguinte volumen que foi doado por Ermitas García Ríos no 2009:
 
 Referencia do fondo na opac (Recursos Musicais: R.M 11; *R5112)



Un saúdo

martes, 14 de abril de 2015

O RINCÓN DO COMPOSITOR: JOHN WILLIAMS

 Estes días e enlazando coa IV edición do concurso "Tócaa outra vez Xan", o rincón do compositor estará dedicado ás Bandas Sonoras e á figura do compositor John Williams que tantas partituras ten compostas para o mundo do cine.
O rincón do compositor: B.S.O e John Williams (1932- )

Gandalf e Dumbledore

Os increibles
Mike Wazowski saúdanos
Frankenstein e Piratas do Caribe
Sulley agoira a Fiona
Jurasic Park

Víchedes algunas destas películas? Lembrades algúns dos seus temas musicais? Algúns son moi coñecidos.
 
Ao carón de spiderman e na mesa atoparemos algunhas páxinas sobre o compositor protagonista do rincón John Williams:
- A súa infancia e formación
- A súa chegada ao mundo do cine
- Sinfonías e outros traballos
- Williams director de orquestras
- Bandas Sonoras e galardóns recibidos
- Os seus traballos para a televisión

  Durante o tempo que estea o rincón das bandas sonoras se emitirán diversas películas en dúas pantallas. Estes días concretamente "E.T." para todos os públicos.


 Un saúdo

lunes, 13 de abril de 2015

TRIVIAL MUSICAL: Concerto 14 de abril

Aínda quedan algunhas entradas sen adxudicar así que o prazo para concursar amplíase ata hoxe ás 18:00.

Data: Martes 14 de Abril ás 20:30
Sala: Teatro Jofre 
 
Jaeyeon Won, piano
GANADOR CONCURSO INTERNACIONAL CIDADE DE FERROL 2014
 
Programa:
L.v. Beethoven (1770-1827) Sonata para piano en Mi Mayor nº.13
F. Schubert (1797-1828) "3 Piezas para piano", D.946
 
pausa
 
W. A. Mozart (1756-91) Fantasía en do menor Kv.475
F. Chopin (1810-49) Sonata para piano nº 2 en si bemol menor
 
 
  Máis información da programación en http://www.filarmonicaferrolana.es/
 
 

sábado, 11 de abril de 2015

ANPA: A FAMILIA FAGOTERA ESTREA SOPORTE

O xoves a Familia Fagotera estreou un soporte para seis fagotes grazas a colaboración de moitas persoas.
 
Sempre baixo as indicacións e supervisión da profe de fagote Patricia Castro Vazquez o ANPA diseñou e fabricou un soporte para seis fagotes único no mundo xa que os que hai nas tendas ou intert son para un máximo de tres. 

Detalle do novo soporte para os fagotes
Grazas tamén ao Conservatorio Xan Viaño que proporcionou ao ANPA parte do material para reciclar dunha pizarra vella. O ANPA mercou outro mouco material e as pezas en forma de ferradura as fixo un pai; así puido levarse a cabo este proxecto que era moi necesario pois as clases colectivas de fagote resultaban de alto risco -estamos a falar de que o fagote mais cativo non baixa dos 2000 €-  por carecer de soportes para tantos alum@s que estudan este curso na especialidade de fagote (14 nen@s).




viernes, 10 de abril de 2015

PRESENTACIÓN DO CD "ENTRE TANGOS"

 
 
 O noso compañeiro Ximo Pallás Fuertes, profesor de contrabaixo, é integrante de EnClave xunto con Mateo Arnáiz (guitarra) e J. Miguel Castro (vibráfono).
Aquí tedes a portada e interior do seu CD "Entre tangos": o precioso diseño gráfico corre a cargo de Fernando Castro e o repertorio -a través da figura central de Astor Piazzolla con 6 temas- amosa unha visión moi actual do tango instrumental.


 Contenido:
Astor Piazzola: 1. Adiós Nonino
Máximo Diego Pujol: 2. Tando de Abril - 3.Milonga de Junio.
Astor Piazzola: 4. Final Feliz - 5. Invierno Porteño - 6. La muerte del Ángel - 7. Oblivión - Suite Tango: Tango I e Tango II
Carlos Gardel: 10. Volver
Roland Dyens: 11. Tango en Skaï
 
 A biblioteca dispón dun exemplar doado amablemente por Ximo que está dispoñible para empréstito. Lembrade que os audiovisuais tamén pódense prestar 5 días e que no caso de que o fondo aínda non estea catalogado -con tempo ¡lograrémolo!- os empréstitos apúntanse nos libros de actas que o profesor responsable ten na súa mesa.
 
Mais información neste enlace do seu Facebook: EnClavetrio

jueves, 9 de abril de 2015

SOCIEDAD FILARMÓNICA FERROLANA - Concierto 10 de abril

Desde a biblioteca queremos lembrar o concierto de mañá  venres 10 de abril. Grazas á Sociedad Filarmónica Ferrolana algúns de nosos/as alumnos/as xa teñen á súa entrada. 
 

 
REAL FILHARMONÍA DE GALICIA  
Sergio Alapont, director
Paula Murrihy, mezzosoprano

Programa:  
J. Bautista (1901-61): Sinfonía breve
P. Hindemith (1895-1963): Marienleben (Sechs Lieder)
F. Mendelssohn (1809-47): Sinfonía nº 1 



Máis información da programación en www.filarmonicaferrolana.es

Un saúdo

martes, 7 de abril de 2015

Materiais dos Encontros PLAMBE15 e Ángel Carracedo

Os pasados 12 e 13 de marzo de 2015 celebráronse en Santiago de Compostela os Encontros do Plan de mellora de bibliotecas escolares 2014/2015, coa asistencia de 550 profesoras e profesores, responsables das bibliotecas escolares integradas neste programa da consellería. 
En redEB, o espazo moodle de Bibliotecas Escolares de Galicia, están dispoñibles xa os materiais destes encontros, co fin de que os equipos de bibliotecas e todo o profesorado interesado poida acceder ás presentacións dos relatores e a outras informacións de interese sobre os contidos do programa. 
Entre os materiais dispoñibles, a versión pdf do cómic VIVIR NO SOLO, con guión de Marilar Aleixandre, editado co gallo da celebración do ano 2015 como Ano Internacional dos Solos. Esta publicación, da Delegación Territorial da Sociedade Española da Ciencia do Solo en Galicia, coa colaboración do concello de Santiago de Compostela, foi distribuída nos encontros de forma que puidese chegar, en formato impreso, a todas as bibliotecas do Plan de mellora. Na nosa biblioteca está tejuelado en I-65 (*R5320)
Nos encontros distribuíuse tamén o libro "Choven palabras no futuro" editado pola Xunta de Galicia (Secretaría Xeral de Cultura) en colaboración con GALIX, co gallo da conmemoración dos 25 anos desta Asociación Galega do Libro Infantil e Xuvenil.  Na nosa biblioteca catalogado como I 64 (*R5319).
 
 
Dentre todos os materiais vos enlazamos o video da conferencia de peche: "A importancia de espertar a curiosidade e o gusto polo coñecemento" por Ángel Carracedo. Paga a pena escoitalo...
 
 Un saúdo

TRIVIAL MUSICAL - Concierto 10 de abril


 Aínda quedan algunhas entradas sen adxudicar así que o prazo para concursar amplíase ata hoxe ás 20:00.
 Un saúdo 

lunes, 6 de abril de 2015

TRIVIAL MUSICAL - Concerto 14 de abril


En estreita colaboración e grazas á Sociedade Filarmónica Ferrolana, a Biblioteca do Conservatorio pode ofertar dez entradas para asistir ó concerto do vindeiro martes 14 de Abril. Para participar teredes que contestar de xeito correcto a unha das preguntas que podedes ver máis abaixo.
 Como hai alumnos de diferentes niveis haberá coma sempre dúas preguntas: unha para aqueles alumnos que cursen o Grao Elemental e outra para aqueles alumnos que cursen o Grao Profesional. Deberedes enviar as vosas respostas á dirección electrónica seguinte: bibliotecajosefontenlaleal@gmail.com
 No correo tedes que incluír o voso nome completo, curso e instrumento que cursades no Conservatorio así coma a vosa resposta (correcta, iso esperamos). As entradas entregaranse por estricta orde de chegada dos correos e  poñerémonos en contacto cos/as agraciados/as.
 
 A data límite para recibir os vosos correos é o vindeiro luns 13 de Abril (ata as 10:00 horas).

 PREGUNTA GRAO ELEMENTAL:  ¿Cantos pedais ten un piano?

PREGUNTA GRAO PROFESIONAL: ¿Cales son as funcións dos diferentes pedais do piano? (brevemente)

¡¡Moita sorte!!
 

                                   Abril                                       

Data: Martes 14 de Abril ás 20:30
Sala: Teatro Jofre 
 
Jaeyeon Won, piano
GANADOR CONCURSO INTERNACIONAL CIDADE DE FERROL 2014
 
Programa:
L.v. Beethoven (1770-1827) Sonata para piano en Mi Mayor nº.13
F. Schubert (1797-1828) "3 Piezas para piano", D.946
 
pausa
 
W. A. Mozart (1756-91) Fantasía en do menor Kv.475
F. Chopin (1810-49) Sonata para piano nº 2 en si bemol menor
 
 
  Máis información da programación en http://www.filarmonicaferrolana.es/
 
 Un saúdo