Páginas vistas en total

miércoles, 26 de octubre de 2016

NOVA DOAZÓN: REVISTA RITMO

 
O pasado xuño Mª Teresa Sánchez de Toca donou á biblioteca -xunto con outros fondos dos que xa vos contaremos- exemplares da revista RITMO.
A máis antiga data de 1984 e xunto con números especiais constitúen unha interesante ollada á evolución da publicación.
Xa están rexistradas, etiquetadas e listas para a súa consulta en sala (P.P. RIT)
 
 

lunes, 24 de octubre de 2016

24 DE OUTUBRO: DÍA DAS BIBLIOTECAS

Hoxe estamos de celebración e  ímolo celebrar a falar dunha biblioteca especial para a música pois aquí atoparemos, entre outros tesoros, verdadeiras xoias da notación neumática.
 
Abbey Library, St. Gallen. Fonte: www.youtube.com
 
A biblioteca da Abadía non é só a biblioteca mais antiga de Suiza que contén unha única colección de libros e manuscritos, sino tamén unha librería de empréstitos. Posúe preto de 170.000 libros e outros soportes. Libros impresos despois de 1900 poden emprestarse namentres que os mais vellos volumes só poden ser empregados na sala de lectura.
 
Manuscritos e incunables só poden ser vistos na sala de lectura en casos excepcionais mais para dar servizo a estudantes e investigadores que estean interesados nestes documentos, informan na súa páxina de que están en proceso de dixitalización. E tamén poden ser visualizados en internet (www.cesg.unifr.ch) se non temos a sorte de viaxar por alí...

 

sábado, 22 de octubre de 2016

OUTUBRO: MES DAS BIBLIOTECAS

 
 
A instancias da IASL (International Association of School Librarianship), víñase celebrando nos últimos anos o Día da Biblioteca Escolar, o 4º luns de outubro. Desde o ano 2008, a proposta desta asociación internacional (referente do traballo a prol das bibliotecas nos centros educativos, como  espazos indispensables para o desenvolvemento do traballo docente), é que se aproveite todo o mes de outubro para facer visible no conxunto das comunidades educativas, a importancia da biblioteca escolar e todas as súas posibilidades e recursos.
 
O lema escollido para este ano pódese traducir por "Unha Biblioteca Escolar creada para a Era Dixital" (A School Library built for the Digital Age!). 
 
 

martes, 18 de octubre de 2016

18 DE OUTUBRO

18 DE OUTUBRO: DÍA MUNDIAL DA PROTECIÓN DA NATUREZA
 
 
Fonte: Ambientum
 
 
 E para poner música a este día enlazamos cun tema de Zazie, unha cantante francesa moi recomendable. O tema "Je suis un homme" do seu álbum "Totem"

Fonte: youtube

 "Son un home de Cromagnon, eu son un mono ou un pez, sobre a Terra, en calquera estación, eu estou a dar voltas, estou a dar voltas...
 Eu son único entre un millón, eu son un home con corazón de león, na guerra en calquera estación, eu estou a dar voltas, estou a dar voltas...
 Eu son un home cheo de ambición, bonito coche e preciosa casa, na habitación ou no salón, eu estou a dar voltas, estou a dar voltas...
 Eu fago o amor e a revolución, eu dou voltas ao asunto, eu avanzo, eu avanzo retrocedendo e eu estou a dar voltas, estou a dar voltas,
 Ti ves, eu non son un home, eu son o rei da ilusión, no fondo que se me perdone, eu son o rei dos tontos
 Eu fago o mundo a minha maneira, bañado en ouro e en formigón, o corpo nunha gaiola, metido en prisión,...eu estou a dar voltas, estou a dar voltas...
 Sentado diante do meu televisor, eu son do home a negación, puro produto de consumo mais a miña conta está ben, a miña conta está ben
 
Ti ves, eu non son un home, eu son o rei da ilusión, no fondo que se me perdone, eu son o rei dos tontos
 Son eu, o dono do fogo, o dono do xogo, o dono do mundo e mira o que fixen: unha Terra xelada, unha terra queimada, a Terra dos homes que os homes abandonan...
 
Eu son un home ao pie do muro, como un error da natureza, sobre a Terra, sen outras razóns, estou a dar voltas, estou a dar voltas
 Eu son un home e doume conta de todo o horror da miña natureza, para a miña pena, o meu castigo, estou a dar voltas, estou a dar voltas.




 


lunes, 17 de octubre de 2016

CALENDARIO DAS VISITAS GUIADAS Á BIBLIOTECA: semana 24-28 de octubro




Xa temos o calendario para as visitas guiadas dos grupos de 1º de Grao Elemental deste curso:

- 1º A: Mércores 26 (17:00-17:30)
- 1º B: Martes 25 (17:00-17:30)
- 1º C: Mércores 26 (19:00-19:30)
- 1º D: Martes 25 (19:00-19:30)
- 1º E: Viernes 28 (17:00-17:30)
- 1º F: Martes 25 (19:30-20:00).
 
A biblioteca permanecerá aberta. Disculpade os posibles retrasos nos empréstitos e/ou devolucións que poida haber como consecuencia das visitas.
 
Un saúdo desde a biblioteca

lunes, 10 de octubre de 2016

OUTUBRO: MES DAS BIBLIOTECAS E DAS NOSAS VISITAS GUIADAS

A proposta da IASL (International Association of School Librarianship) outubro é o "Mes da Biblioteca Escolar" así que durante todo o mes as bibliotecas estamos de celebración.
 
Biblioteca "José Fontenla Leal", outubro 2016

  Aproveitando que o 24 é o "Día da biblioteca" algúns profes estamos a organizar as visitas guiadas desde curso para todo o alumnado de 1º de Grao Elemental entre o luns 24 e o venres 28 ... :) 
Manterémosvos informados.

Saúdos desde a biblioteca

miércoles, 5 de octubre de 2016

TRIVIAL MUSICAL. Concerto 20 de outubro


 Grazas á Sociedade Filarmónica Ferrolana, a Biblioteca do Conservatorio pode ofertar dez entradas para asistir ó concerto do vindeiro xoves 20 de outubro. Para participar teredes que contestar de xeito correcto a unha das preguntas que podedes ver máis abaixo.
 Como hai alumnos de diferentes niveis haberá coma sempre dúas preguntas: unha para aqueles alumnos que cursen o Grao Elemental e outra para aqueles alumnos que cursen o Grao Profesional. Deberedes enviar as vosas respostas co aunto "TRIVIAL" á dirección electrónica seguinte: bibliotecajosefontenlaleal@gmail.com
 No correo tedes que incluír o voso nome completo, curso e instrumento que cursades no Conservatorio así coma a vosa resposta (correcta, iso esperamos). As entradas entregaranse por estricta orde de chegada dos correos e  poñerémonos en contacto cos/as agraciados/as.
 
 A data límite para recibir os vosos correos é o vindeiro venres 14 de outubro (ata as 10:00 horas).
 

PREGUNTA GRAO ELEMENTAL (esta é para nota): enumera alomenos 5 instrumentos orquetrais de dúas familias distintas.

 PREGUNTA GRAO PROFESIONAL: ¿Cántas sinfonías compuxo Anton Bruckner?
¡¡¡Moita sorte!!!
 Outubro                                                                                                  
Data: xoves 20 de outubro, ás 20.30 horas
Sala: Auditorio de Ferrol

Orquestra Sinfónica de Galicia
 
Leif Segerstam, director
A. Bruckner (1824-96): Sinfonía n.8

 Máis información: http://www.filarmonicaferrolana.es/

domingo, 2 de octubre de 2016

5 DE OUTUBRO: DÍA MUNDIAL DO DOCENTE


 En 1994 a UNESCO (United Nations Educational, Scientific and Cultural Organization, Organización das Nacións Unidas para a Educación, a Ciencia e a Cultura) proclamou o 5 de outubro o Día Mundial dos Profesores.
Cada ano e baixo un lema diferente resaltan a súa importancia. Este ano o lema é "Valoremos ao docente, melloremos a súa condición profesional".