XEOGRAFÍAS SONORAS: O Moldava

O Moldava é o río máis grande da República Checa que nace na selva bohemia e desemboca no Elba, pero non antes de pasar por Praga (a cidade das cen torres) dividíndoo en dous. En 1357 o emperador Carlos IV de Alemaña e I de Bohemia colocou a primeira pedra da ponte que leva o seu nome, esta ponte substituíu á anterior que fora arrastrada por unha inundación e aínda está en pé, segundo o que din porque puxeron ovos no morteiro.

Ponte de Carlos IV 

 A este poderoso río Smetana dedicou un dos seus seis poemas sinfónicos chamado O Moldava, que pertence a Ma Vlast (a miña terra) 

Cando escoitamos o Moldava por primeira vez pode parecer que xa o escotaramos, esto é porque Smetana inspirouse nunha vella canción italiana da primeira metade do século XVI chamada A Mantovana. 

Esta melodía fíxose tan popular que aparece en Europa en diferentes momentos, diferentes paises, lixeiramente variada e con letras diferentes, por exemplo en España "Tres hojitas madre".

Hatikva é quizais outra das versións máis famosas de La Mantovana xa que é o himno de Israel. 

No Moldava hai diferentes temas musicais que representan o fluxo do río a través de diferentes rexións. Smetana di:

 “A composición describe o curso do Moldava: o nacemento en dúas pequenas fontes, o Moldava Frío e o Moldava Quente, a súa unión, percorrendo bosques e pastos, a través de paisaxes onde se celebra unha voda campesiña, o baile de as náiades á luz da lúa; orgullosos castelos, pazos e ruínas están nas inmediacións do río. A Moldava precipítase cara aos rápidos de San Xoán, logo volve ensancharse e flúe suavemente cara a Praga, pasando o castelo de Vyšehrad, e esvaécese maxestosamente ao lonxe, desembocándose no Elba. " 

Resumo da xira musical do río: 

• As dúas fontes, a Vltava fría representada por dúas frautas e a Vltava quente polos clarinetes. 
• O Moldava (tema principal do río) 
• A caza (fanfarria) 
• Voda 
• Luar e danza das náiades 
• O Moldava (segunda aparición, tamén en modo menor) 
• Os rápidos de San Xoán 
• O Moldava (terceira aparición, en modo maior. O río faise máis grande) 
• Praga e a desembocadura  (co motivo do castelo de Vyšehrad) 

Así remata o percorrido polo Moldava e o poema sinfónico. 

Se che gustou, podes escoitala aquí. 

Se queres saber máis, visita esta páxina web.