Biblioteca José Fontenla Leal

Aquí tedes as imaxes das fermosas postais que se presentaron este ano ao concurso.  Moitas grazas a todos e a todas por participar e, dende o Equipo de Biblioteca e o EDLG do Xan Viaño, queremos desexarvos un bo nadal. Descansade moito e collede forzas para o ano que ven.  Moitas apertas quentiñas.  Coidádevos ben e nunca xamais esquezades sorir e xogar......  e tamén tocar !! O Equipo de Biblioteca e o EDLG. CMUS Xan Viaño de Ferrol

Boa tarde a todos e todas. Comprácenos anunciar os e as gañadoras desta nova edición do II Concurso de Postal de Nadal Musical. Antes de nada, dar as grazas pola tan boa acollida e tan numerosa participación este curso.  Por iso este ano, e saltándonos as bases publicadas un pouco presionados polo trasno Brétemo, este ano concederemos un 1º premio e catro 2ºs premios. Estaba moi reñida a cousa e a calidade das postais este ano foi moi boa, por iso fixemos unha excepción.  Todos e todas as participantes terán o seu diploma de agradecemento xunto con un pequeno agasallo. Os gañadores, levarán un vale cunha dotación económica, para canxear por material musical, cunha caducidade dun ano. Vémonos na biblioteca o día 18 de decembro ás 17:00 h. para a entrega de premios, vales e agasallos.  Grazas e parabéns a todos e todas por participar !! O Equipo de Biblioteca e o Equipo de Dinamización de Lingua Galega.

  Queremos informar de que, debido a un imprevisto, non podemos facer a entrega dos premios como se tiña previsto. Pedimos desculpas polas molestias e polo cambio de última hora.  De todos xeitos, o alumnado participante e tamén os premiados, poden recoller o seu agasallo e o seu diploma en conserxería , polo que tamén agradecemos aos conserxes o favor que nos fan.  Dende o EDLG e o Equipo de Biblioteca , queremos desexar a todo o alumnado e ás súas familias, que pasedes unhas boas festas e que o aninovo 2025 sexa bo e cargadiño de moi bos libros e música. Apertas e vémonos o ano que ven !

  As músicas interrompidas O vindeiro martes 26 de novembro ás 19:30 h, terá lugar no auditorio do Conservatorio Xan Viaño de Ferrol, a presentación do libro 'As músicas interrompidas. Balboa, Macías, Viaño", escrito por María del Carmen Lorenzo Vizcaíno, Lucinio Medel Iglesias e Javier Ares Espiño. Na presentacion descubriremos a vida e obra dos compositores galegos Manuel Balboa, Enrique Macías e Xan Viaño, que viron truncadas as súas carreiras musicais pola súa temperá morte. Ademais teremos a oportunidade de escoitar a súa música nas mans de Javier Ares ao piano. Entrada libre ata completar aforo.

"Serei eterna se me levas nos beizos" Súmate ao noso reto e fala galego!  Un pequeno paso para unha persoa, un gran salto para a nosa lingua. Na semana do 18 ao 25 de novembro, reto pola nosa lingua no Xan Viaño! Preme na imaxe para máis información:    Instagram do EDLG

Durante estes días, na biblioteca estarán expostos os traballos feitos polos concursantes para que poidades disfrutar deles.  Grazas ao Equipo de Dinamización da Lingua Galega e ao Departamento de Música Tradicional por estas iniciativas.  Enlace ao blog:  https://xanvianolinguagalega.blogspot.com/