Biblioteca José Fontenla Leal

  O próximo martes 2 de xuño ás 19:00 h, no Auditorio Municipal de Ferrol , terá lugar o concerto de fin de curso das agrupacións de Grao Elemental do CMUS Xan Viaño de Ferrol. Participarán o Peque Coro, da Pequeorquestra e da Pequebanda. Convidámosvos a este encontro musical tan especial, no que desfrutaremos do traballo e da ilusión do alumnado máis novo do conservatorio .

  Audición de piano o próximo xoves 4 de xuño ás 17:00 h no auditorio do CMUS Xan Viaño . Participará o alumnado da profesora de piano Paloma Bello.

  Audición de fin de curso de fagot, o próximo xoves 4 de xuño ás 19:00 h .  Participará alumnado do profesor de fagot Javier Alama, acompañados pola profesora pianista acompañante, Lorena Dapena.

  O vindeiro mércores 3 de xuño ás 19:00 h no Auditorio Municipal de Ferrol , terá lugar "Pinceladas Sonoras", un encontro artístico único onde a música e as artes plásticas fusiónanse para derrubar barreiras. A través deste concerto, o alumnado de piano do conservatorio Xan Viaño, presta as súas mans ao piano para dar vida ás partituras, mentres que alumnado do colexio Terra de Ferrol proxecta o seu mundo interior traducindo esas mesmas melodías en trazos, texturas e cores. Unha experiencia sensorial e de inclusión que demostra que a arte é unha linguaxe universal capaz de conectar realidades e emocionar sen límites.

Deixamos aquí a ligazón para ponder facer esta enquisa, para a cal vos pedimos que sexades totalmente sinceros e sinceras, coas vosas respostas. Esta información é de suma importancia para seguires mellorando. Tamén tedes na biblioteca enquisas en papel para o alumnado do conservatorio, que podedes escribir e depositalas na furna. Moitas grazas de antemán. Que teñades un bo fin de curso O Equipo de Biblioteca Ligazón para a enquiza en Google Forms:  https://forms.gle/ywr9X4jw9i1RX9RAA

  Neste volume preséntase o texto definitivo que Mary Shelley quixo legar ao mundo. A historia comeza cunha expedición ao Ártico, onde un mozo científico chamado Victor Frankenstein relata a súa ambición de dominar os segredos da vida. O resultado do seu experimento —unha criatura que desafia os límites da natureza— desencadea un drama sobre a liberdade, a vinganza e a responsabilidade do coñecemento. Esta obra fundacional da ciencia ficción continúa interpelando ao lector coa súa carga filosófica e emocional.  Un caderno de notas do propio doutor Frankenstein, deseñado polo ilustrador, complementa esta edición de luxo. A partir dos 14 anos, este clásico convértese nun agasallo perfecto para mozos e persoas adultas que valoran a literatura con profundidade. Ademais, a súa publicación cobra especial relevancia coa estrea en 2025 dunha esperada adaptación cinematográfica dirixida por Guillermo del Toro. Un libro imprescindible para redescubrir a alma tráxica do monstro que cambi...

 

    Con motivo do Día Internacional dos Museos, a Rede de Grandes Espazos de Divulgación (GEDIC) do CSIC súmase a esta celebración cunha variada programación de actividades repartida por todo o territorio. Portas abertas, espectáculos musicais, charlas, talleres ou visitas guiadas achegarán a ciencia e a cultura científica a públicos de todas as idades ao redor do 18 de maio. Seguir lendo na web do CSIC ou na web da Consellería para ver as actividades na nosa comunidade.

  O Día Escolar das Matemáticas é unha iniciativa educativa que busca achegar as matemáticas ao alumnado dun xeito dinámico, contextualizada e participativa, promovendo cada ano unha temática de especial relevancia social e educativa. O Día Escolar das Matemáticas (DEM) 2026 que se conmemora hoxe 12 de maio está dedicado este curso escolar 2025/2026 ao pensamento computacional e á intelixencia artificial, dous ámbitos fundamentais para comprender os retos educativos e tecnolóxicos do presente e do futuro. O encargado de desenvolver esta temática será Luis Miguel Iglesias Albarrán, membro da Sociedade Andaluza de Educación Matemática Thales, quen elaborou un caderno didáctico dirixido ao profesorado e ao alumnado co obxectivo de achegar estes conceptos de xeito práctico e accesible.

 

 

  O 9 de maio de 1950, o ministro francés de Asuntos Exteriores, Robert Schuman, pronunciou un discurso histórico e expuxo un plan para unha maior cooperación en Europa. Coñecida como a Declaración Schuman , achandou o camiño para unha nova era de paz, integración e cooperación en todo o continente, e sentou as bases da Unión Europea tal como a coñecemos hoxe.  No mundo actual, que está en constante evolución e cheo de desafíos, a nosa Unión debe manterse forte e independente. Isto implica unirnos para reforzar a nosa seguridade, impulsar a prosperidade e protexer a nosa liberdade para decidir en que tipo de sociedade e democracia queremos vivir.  O Día de Europa constitúe unha oportunidade para recoñecer isto e celebrar a comunidade de valores que representamos e que protexemos e fortalecemos conxuntamente. Esta ocasión especial tamén brinda a oportunidade de conectar coa cidadanía e mostrar como está a traballar a UE para protexer e crear oportunidades para as persoas e...

  Leonardo da Vinci , o gran artista do Renacemento, modelo do  home universal , foi tamén un xenio científico e tal día como hoxe morría no ano 1519. Á parte da súa obra pictórica, tan exquisita como escasa, houbo un Leonardo dedicado á observación rigorosa, o experimento e a formulación exacta de principios xerais a partir da experiencia empírica. Nos miles de páxinas dos seus cadernos de notas, que só empezaron a ser estudados a fondo nas últimas décadas, atopamos anticipacións de moitos desenvolvementos posteriores da ciencia moderna. Os seus contemporáneos sabían que Leonardo dedicaba boa parte do seu tempo ao estudo da filosofía natural, que é como se chamaba á ciencia entón (o termo inglés ' scientist ' non apareceu ata 1840) e así mesmo temos constancia de que Leonardo planeaba publicar numerosos tratados científicos cos materiais recolleitos nos seus cadernos. Podedes seguir lendo o artigo no National Geographic . A súa figura é tan relevante que o robot cirúrxi...