Unha primeira edición de ‘20.000 Leguas de Viaxe Submarina’ chega ao Aquarium Finisterrae da Coruña
A Asociación de Amigos da Casa das Ciencias cedeu o exemplar para a súa exhibición na sala Nautilus O exemplar de '20.000 leguas de viaxe submarina' que está exposto no Aquarium. O Aquarium Finisterrae recibiu un valioso exemplar da primeira edición da novela 20.000 leguas de viaxe submarina escrita por Xulio Verne en 1869. Trátase dunha publicación en castelá da que só hai 12 exemplares catalogados en todo o mundo. O singular exemplar foi cedido pola Asociación Amigos da Casa das Ciencias para a súa exhibición. Este libro expoñerase na sala Nautilus do acuario coruñés para divulgar a relevancia do seu contido desde unha perspectiva histórica e educativa. Servirá para profundar nas perspectivas culturais que caracterizan os contidos da Sala Nautilus, xa que ademais dun relato de ciencia ficción, o libro é tamén unha obra de divulgación científica dun dos pioneiros deste xénero literario. De feito, nas súas páxinas pódense ler d...