CDAEM – Centro de Documentación das Artes Escénicas e da Música: a Obra de Xan Viaño no Mapa de Patrimonio Musical Español

Boa tarde a todos e todas,

Dende a Coordinación da Biblioteca José Fontenla Leal do CMUS Xan Viaño de Ferrol, quérese informar e visibilizar o resultado do traballo que se fixo neste fin de curso, en colaboración co Centro de Documentación das Artes Escénicas e da Música (CDAEM), do Ministerio de Cultura. 

Traballouse con Cristina Marcos Patiño, unha das documentalistas do CDAEM. O seu interese por saber o estado de descripción do fondo de partituras do compositor Xan Viaño, que se aloxa no noso centro, para un traballo que está a facer, adicado á música contemporanea española, levou a revisar e actualizar dito fondo.

Creouse un apartado neste blog que atoparedes á esquerda da páxina principal, coa imaxe que tedes nesta publicación, a cal tamén se creou exclusíbamente para identificalo. Nel, podedes atopar o listado actualizado das catalogacións do fondo que están no noso centro. 

Grazas a isto, conseguimos informar sobre a obra do compositor que da nome ao noso centro, Xoan Alfonso Viaño Martínez 'Xan Viaño' (1960-1991) e tamén aumentar a visibilidade da biblioteca e a do noso centro. 

Dende agora formamos parte do Mapa de Patrimonio Musical Español que elaboran e difunden no CDAEM. 

Premendo  sobre o nome da Biblioteca, veredes a ficha completa, onde ademais dos datos de localización, aparece a ligazón da descripción do fondo persoal e tamén unha ligazón ao propio conservatorio, coa descripción do noso catálogo na Rede (Proxecto Meiga).

Saúdos, 

Soraya García Riveiros

Coordinadora da Biblioteca José Fontenla Leal

CMUS Xan Viaño de Ferrol