O Consello da Cultura Galega vén de compartir unha nova dixitalización do discurso que ofreceu o autor nunha estrea da súa obra de teatro Castelao enviou unha fonopostal a Montevideo para a estrea da súa obra de teatro “Amigos, apenas separado de vós por un tabique, non estou presente, pero creo que vos escoito e vós escoitades o latexo da miña ansiedade. Xa sei que as aspiracións do espírito non se adaptan ás fronteiras da nación e que as obras de arte voan como os paxaros por riba das fronteiras”. Así comeza o único rexistro sonoro da voz orixinal de Daniel Alfonso Rodríguez Castelao (Rianxo, 1886- Bos Aires, 1950). O Consello da Cultura Galega (CCG) vén de publicar unha nova dixitalización desta fonopostal que o célebre escritor galego realizou e enviou para a estrea de Os vellos non deben namorarse en Montevideo (Uruguai). Co motivo do 75 aniversario do cabodano da figura de Rianxo , o CCG levará a cabo un extenso programa de actividades par...
