Un mapa dixital reúne todos os topónimos das cantigas profanas medievais
A maioría dos lugares que se citan nestes textos aínda existen na actualidade, pero moitos deles teñen unha relevancia social moi diferente De esquerda a dereita: a investigadora Carmen de Santiago; o secretario xeral da Lingua, Valentín García; a coordinadora do proxecto, Pilar Lorenzo; e a investigadora Mariña Bermúdez. Investigadoras da Universidade de Santiago (USC) crearon un mapa dixital con todos os topónimos que aparecen nas cantigas profanas medievais . A cartografía é froito do traballo dun equipo dirixido pola catedrática de Filoloxía Románica Pilar Lorenzo Gradín , e no que participan a historiadora Mariña Bermúdez Beloso e as filólogas Carmen de Santiago e Helena Bermúdez . Esta ferramenta, denominada CANTICAR , elaborouse no marco do proxecto Lírica galego-portuguesa desenvolvido no Centro Ramón Piñeiro para a Investigación en Humanidades. “Situamos no mapa todos os topónimos que os trobadores e xograres mencionar...