Biblioteca José Fontenla Leal

  Ariadna Landrove, antiga alumna de frauta travesa, do CMUS Xan Viaño Nesta ocasión falamos de Ariadna Landrove que realizou os seus estudos no Xan Viaño, especializándose en frauta travesa. Tamén lle damos os nosos parabéns e esperamos que teña moito éxito na sua viaxe musical. Deixamos ligazón para poder ver un artigo publicado en La Voz de Galicia .

  Grupo Zavala coa antiga alumna do Xan Viaño, Carla Romalde, frauta travesa e canto. Da moito gusto anunciar estas novas de alumnado que pasou polo Xan Viaño e que prosiguen coa música. Neste caso, Carla Romalde, xunto cos seus compañeiros, presentan o seu novo disco Pequeno Manual Para Grandes Cambios II (Teoría e Práctica) .  Parabéns polo novo lanzamento a este grupo musical tan valente. Esperamos que teñades moitos éxitos e que nos sigades a compartir moi boa música e talento. Deixamos aquí a ligazón para que vexades un artigo publicado en La Voz de Galicia , falando do seu novo disco. Equipo de Biblioteca do CMUS Xan Viaño

A biblioteca do Xan Viaño, conta cun exemplar asinado por Fernando Raña, que pode ser escoitado. Moitas grazas por compartir esta experiencia musical co alumnado do CMUS Xan Viaño. Coa clase maxistral impartida por Fernando Raña, o alumnado tomou nota de consellos ben útiles para o seu estudo e interpretación coa frauta travesa. As docentes de frauta do Xan Viaño, Olalla e Soraya están moi agradecidas por elo. 

Fernando Raña Barreiro, frauta travesa. O vindeiro luns 3 de febreiro terá lugar no Auditorio do Conservatorio a presentación do disco “ De través “ do frautista Fernando Raña Barreiro, docente do Conservatorio Superior de Música de Vigo. O intérprete, dedicatario das obras recollidas no CD, exporá e interpretará unha pequena selección do mesmo. Ricardo Blanco, pianista desde centro, colaborará acompañando unha das obras deste repertorio. Ás 16:00 h. haberá una clase maxistral para o alumnado de frauta travesa do centro e logo o concerto comezará ás 18:00 h. cunha duración estimada de 45 minutos. A entrada é libre ata completar o aforo. Será doado un CD á Biblioteca José Fontenla Leal do CMUS Xan Viaño de Ferrol. Moitas grazas dende a Coordinación de Biblioteca e o Equipo de Biblioteca do Xan Viaño.