La música de los nativos norteamericanos

Toro Sentado (Gran Jefe Sioux)

 Apaches,  Sioux,  Navajos, Pés negros,  Cheyenne... estes son só uns poucos nomes das tribos que poboaban América do Norte. Estas tribos, como todo grupo humano, posuían uns costumes propios, unha forma de entender a súa relación co mundo, a vida e como non, unha música propia. A proposta desta xeografía sonora é coñecer un pouco a súa relación coa música e grazas esta achegarnos á música dos nosos devanceiros.

    Cando oímos antigos rexistros sonoros das tribos de América do Norte, sen querer retrocedemos no tempo e conectámonos co noso ser máis primitivo, cun tempo que non vivimos e con todo parece que lembramos. Quizá nos preguntamos pola relación entre esta música e os nosos  atavismos, aquilo que está en nós e non sabemos como a chegado aí... a fascinación polo lume, a admiración polos grandes espazos naturais... a música...

    Ao escoitar esta música tamén podemos viaxar no espazo e irnos a Latinoamérica. Na seguinte ligazón Dance  song  of  the  Thompson  River  Indians pódese escoitar unha canción de danza na que a percusión e a voz crean unha  polirítmia de 2 contra tres que ben podería ser un antecedente  de ritmos complexos de Latinoamérica como a  Zamba ou a  Chacarera Arxentina ou Boliviana.

Estes pobos tiñan cancións que servían para todas as actividades cotiás e extraordinarias, para a guerra, para o amor, para traer a sorte, para ser feliz, para sandar, para falar cos antepasados... sempre relacionadas coa danza.

Danza de guerra

Cancións para a danza dos  espiritus

Danza da serpe

    Na librería do Congreso dos Estados Unidos hai abundante documentación de todo tipo (audios, artigos, publicacións, etc) de dominio publico para quen estea interesado na música en xeral,  etnomusicología, coleccións de arquivos sonoros de tribos de América do Norte, etc. Nesta librería podémonos atopar con publicacións como: MUSIC  OF  THE  AMERICAN  INDIANS do profesor  Willard  Rhodes que fala dunha tribo concreta: os  Sioux. Neste libro  Willard fala dos costumes desta tribo e aí aparece unha moi curiosa: a “Danza do Sol” que aparece reflectida na película de 1970 Un home chamado cabalo.

Nesta danza os danzantes atravésanse a carne do peito cunhas baleas de madeira que ían atadas cunhas tiras de coiro a un gran poste central ao son da música ata que se soltaban. Esta danza foi prohibida en 1904  pero na actualidade volve ser legal e é bailada tanto por homes como por mulleres.

A música: pasado, presente, futuro...