XEOGRAFÍAS SONORAS: GLENN GOULD E AS VARIACIÓNS GOLDBERG

febreiro 19, 2021

Hoxe imos escoitar as Variacións Goldberg ou Aria con diferentes variacións BWV 988 (1ª edición 1741) de Johann Sebastian Bach, interpretadas por Glenn Gould.

Fonte: youtube.com (Glen Gould)

Portada del Clavier-Übung IV (1741) consistente nun

Aria con diferentes variacións (BWV 988) para o clavicembalo con 2 manuais.

Copia persoal de J. S. Bach [París BnF mus.17669]

Atribución [1]

Podemos ler moita literatura en torno a súa composición mais non sempre demostrada [2]; o que non cabe dúbida é que foi composta por Bach para clave e foi a número catro duns esixentes "exercicios do teclado".

Esta peza atemporal, que de cando en vez aparécenos en bandas sonoras de películas e series, é un "tema con variacións", característico da música para teclado da época. O tema é unha sarabanda en dúas seccións cun baixo fundamental cuia estrutura armónica consérvanse ao longo da súas trinta variacións. O equilibrio das súas proporcións e a súa unidade dentro dos variados estilos e ambientes creados é marabilloso. [4]

Unha das súas interpretacións icónicas é a de Glenn Gould do ano 1981. Este pianista canadiense foi un virtuoso e moi peculiar tamén. Podedes ler moitas curiosidades nas súas biografías. É curioso, e cun toque casi máxico diríase, que fora a súa derradeira grabación, pechando un círculo discográfico que comezara tan espectacularmente co mesmo traballo en 1955 como dícese na súa páxina oficial. Nas súas palabras: "Gustaríame pensar que hai unha especie de repouso outonal no que fago, de modo que gran parte da música convértese nunha experiencia tranquilizadora. Estaría ben que o que facemos en grabación poidese implicar a posibilidade dalgún grado de perfección, non simplemente de orde técnico, sino también de orde espiritual". [3]

Copiamos os enlaces ás grabacións de 1955 e a de 1981 (incompleta) para que poidades disfrutar alomenos duns minutos con ambas as dúas. Sodes capaces de percibir ese "reposo outonal" do que fala Gould? A partir de aquí a viaxe é vosa: podedes saltar a outras grabacións do repertorio de Gould, a interpretacións por outros grandes pianistas destas vaciacións de Bach , ou mesmo marcharvos á Alemania do século XVIII a ver que outras músicas creábanse por alí... Boa viaxe.