TRIVIAL MUSICAL - Concerto 19 de Outubro

 Grazas á Sociedade Filarmónica Ferrolana, a Biblioteca do Conservatorio pode ofertar dez entradas para asistir ó concerto do vindeiro xoves 19 de outubro. Para participar teredes que contestar de xeito correcto a unha das preguntas que podedes ver máis abaixo.

 Como hai alumnos de diferentes niveis haberá coma sempre dúas preguntas: unha para aqueles alumnos que cursen o Grao Elemental e outra para aqueles alumnos que cursen o Grao Profesional. Deberedes enviar as vosas respostas co aunto "TRIVIAL" á dirección electrónica seguinte: bibliotecajosefontenlaleal@gmail.com

 No correo tedes que incluír o voso nome completo, curso e instrumento que cursades no Conservatorio así coma a vosa resposta (correcta, iso esperamos). As entradas entregaranse por estricta orde de chegada dos correos e  poñerémonos en contacto cos/as agraciados/as.

 A data límite para recibir os vosos correos é o vindeiro luns 16 de outubro (ata as 10:00 horas).

PREGUNTA GRAO ELEMENTAL:
Define intervalo musical.

 PREGUNTA GRAO PROFESIONAL:

Define brevemente "sinfonía".

¡¡¡Moita sorte!!!

 Outubro                                                                                                  

Data: xoves 19 de outubro, ás 20.30 horas
Sala: Auditorio de Ferrol

Orquestra Sinfónica de Galicia

Director: Pablo González

Clarinete: Iván Marín

Programa:

Octavio Vázquez (1972 - ): Eleusis

Nielsen (1865 - 1931): Concerto para clarinete

Mussorgsky (1839 - 1881) : Cadros dunha exposición

  Máis información: http://www.filarmonicaferrolana.es/