RECOMENDACIÓN: L'Orfeo (2ª entrega)

Seguimos coa 2ª entrega da recomendación de xaneiro, nesta ocasión os actos 2º e 3º. Que vos está a parecer?

 

Fonte: YouTube

Acto segundo (5:45)

Rodeado polos pastores Orfeo entoa un canto a natureza e conta como corría polos sombríos bosques antes de namorarse.

A alegría interrómpese cando chega a Mensaxeira, quen lle anuncia a Orfeo que unha serpe mordeu a súa amada Euridice causándolle a morte.

A propia Mensaxeira lamenta ter que dar semellante noticia. Orfeo decide descender os infernos para rescatar a Eurídice (o descenso voluntario o inferno se lle denomina catábasis) entoando un desesperado lamento.

 
Acto terceiro (52:49)

Orfeo chega a lagoa Estigia acompañado pola Esperanza, pero esta anúncialle que non pode levalo máis alá porque viu grabado na pedra o texto que cita a Divina Comedia de Dante: "Abandonade toda esperanza os que entrades".

Caronte négase a darlle paso na súa barca pero Orfeo logra durmilo vixiante coa súa arpa e, roubándolle a barca, cruza o lago entrando directamente no inferno. Mentres, un coro de espíritos infernais celebra o Home, esa criatura que non intenta ningunha empresa en vano e contra a Natureza non sabe armarse.